iranda yene qiz oqughuchilar zeherlendi
iranning sakkiz shehirige jaylashqan miraj qizlar toluq ottura mektipi oqughuchilirining ximiyelik gaz bilen zeherlengenliki ilgiri sürüldi.
türkiye awazi radiyosi xewiri: iran taratqulirida tarqalghan widéolarda, mektepke kelgen ata-anilar bilen xewpsizlik küchliri arisida sürkilish chiqqanliqi körülidu.
oqughuchilarning zeherlinishige seweb bolghan hujumgha naraziliq bildürgen sakkizliqlar, mektepke ésilghan iran bayriqini chüshürüp, diniy rehber hamanéygha qarshi shoar towlidi.
taratqularda hembehirlengen wédéolarda, mektepke kelgen qutquzush aptomobilliridin bashqa, ata-anilarning balilirini özining aptomobilliri bilen doxturxanilargha aparghanliqi körülidu.
eng az dégende 47 oqughuchining doxturxanilargha apirilghanliqi, 20 din artuq oqughuchining ehwalining xeterlik ikenliki ilgiri sürüldi.
iranning munasiwetlik organliridin weqege munasiwetlik resmiy bayanat élan qilinmidi.
téhranda 13-séntebir (2022) exlaq saqchiliri teripidin tutulghandin kéyin ehwali yamanliship apirilghan doxturxanida jénidin ayrilghan 22 yashliq mehsa eminining 16-séntebir jénidin ayrilishi bilen, memliket miqyasida namayishlar partlighan idi.
iranda 30-noyabir (2022) din tartip qizlar mektepliride zeherlinish weqeliri yüz bermekte. hazirghiche 238 mektepte 5 mingdin artuq oqughuchi zeherlendi.
zeherlengen oqughuchilarda nepes qiyinlishish, köngli élishish, bash aghrish we put-qol maghdursizlinish qatarliq alametler körülidu.
iran ichki ishlar ministirliqi 11-mart élan qilghan yazma bayanatida, pütün memlikettiki mekteplerde keng kölemde zeherlinish déloliri bilen chétishliq dep guman qilinghan 100 din artuq kishining qolgha élinghanliqini bildürgen idi.
