xitay amérika paraxotining déngiz tewelikige kirgenlikini dewa qildi
xitay amérika déngiz armiyesi urush paraxotining qanunsiz halda xitay déngiz tewelikige kirgenlikini ilgiri sürdi.
türkiye awazi radiyosi xewiri: xitay xelq azadliq armiyesi amérika déngiz armiyesining bashqurulidighan bomba orunlashturulghan «USS Milius» tipliq herbiy paraxotning qanunsiz halda jenubiy déngizdiki bir aralgha yéqinliship, xitay déngiz tewelikige kirgenlikini dewa qildi.
xitayning jenub heriket qomandanliq ishtabi élan qilghan bayanatida, amérika herbiy paraxotining nazaret qilinghanliqini we agahlandurulghanliqini eskertip: «xitay, jenubiy déngizdiki arallar we etraptiki déngiz rayonida munazire telep qilinmaydighan igilik hoquqqa ige» dédi.
amérika déngiz armiyesining 7-filoti bayanat élan qilip, herbiy paraxotning rayonda «normal» heriket qilghanliqini we mezkur rayondin ayrilip jenubiy déngizdiki herikitini dawamlashturghanliqini bildürdi.
xitay armiyesi 23-marttiki bayanatida, «USS Milius» ning ruxsetsiz halda jenubiy déngizdiki parasél arili etrapidiki rayongha kirgenlikini élan qilghan idi. amérika déngiz armiyesi bolsa, bu paraxotning daimliq heriket qilghanliqini bildürgen idi.
xitay jenubiy déngizning köp qismida igilik hoquqining barliqini dewa qilidu. brunéy, malayshiya, filippin, teywen we wiyétnammu bu rayonda igilik hoquqining barliqini tekitleydu.
