тел авивда йүз бәргән һуҗумлар җанға замин  болди

түркийә авази радийоси хәвири: исраилийә таратқулириниң хәвәрлиригә қариғанда, зораван пайтәхт тел авивниң мәркизидики деңиз қирғиқи йолида аптомобил һәйдәветип әтрапқа оқ чиқиришқа башлиған вә италийәлик бир сайаһәтчини өлтүргән.

исраилийә сақчилириниң йазма байанатиға қариғанда, бир аптомобил тел авивдики пийадиләр йолида пийадиләрни соқувәткән. йеқин әтраптики сақчилар аптомобилниң соқулған авазини аңлап, дәрһал нәқ мәйданға йетип кәлгән вә аптомобилниң өрүлүп кәткәнликини, зораванниң қоралини елишқа тәмшиливатқанлиқини көргәндин кейин зораванға оқ чиқарған. зораван сақчиларниң оқида өлгән.

қораллиқ һуҗум вә аптомобил билән бастуруш һәрикити давамида италийәлик бир сайаһәтчи қаза қилған, 7 киши йариланған.

игилинишичә, исраилийә баш министири бинйамин нетанйаһу сақчилар вә армийәгә бихәтәрлик тәдбирлирини күчәйтиш тоғрулуқ йолйуруқ чүрүшгән.

пәләстин қаршилиқ көрситиш гуруппилири тел авивдики икки һуҗумниң исраилийәниң мәсҗиди әқса вә мусулманларға қаратқан «җинайәтлири» гә қайтурулған тәбиий җаваб икәнликини билдүргән.

исраилийә сақчилириниң мәсҗиди әқсадики мусулманларға қарши уда икки кечә аваз бомбиси, кавчук билән қапланған оқ вә сақчи калтәклири билән мудахилә қилип, тәңпуңсиз күч ишлитиши, ишғал астидики шәрқий қуддусниң вәзитини кәскинләштүрүвәткән вә вәқәләрни кәлтүрүп чиқарғаниди.

исраилийә армийәси ливандин исраилийәниң шималидики районларға бир нәрччә ракета вә 3 минамйот оқиниң етилғанлиқини, арқидинла агаһландуруш сигналлириниң челинғанлиқини уқтурғаниди.

исраилийә ракета һуҗумлириниң һамасниң ливанда турушлуқ унсурлири тәрипидин елип берилғанлиқини илгири сүрүп, һамасни әйиблигәниди.

исраилийә ғәззәгә һуҗум қозғиғанлиқини елан қилған, буниңға җавабән ғәззәдин исраилийә тәрәпкә ракетамийот қойуп берилди.