firansiye pirézidénti émmanuél makron xitay bash ministiri li bilen körüshti
makron-li chyang uchrishishi, firansiye pirézidénti makronning xitaydiki resmiy ziyariti dairiside élip bérildi.
türkiye awazi radiyosi xewiri: firansiye pirézidénti makron xitay bash ministiri li chyang bilen ukraina shundaqla dunyaning her qaysi jayliridiki chong toqunush we qiyin ehwallar toghrisida söhbetlishishni xalaydighanliqini bildürüp, ortaq hel qilish charisi we ortaq yol berpa qilish iqtidarining intayin muhimliqini tekitlidi.
firansiyening 2025-yili déngiz-okyanlarni qoghdashqa munasiwetlik xelqaraliq bir yighin teshkilleydighanliqini tilgha alghan makron, xitayningmu bu teshebbuslarning bir qismi bolushi kéreklikini otturigha qoydi.
xitay bash ministiri li bolsa, xitay dölet reisi shi bilen makron otturisida keng ortaq tonush hasil qilinishi mumkinlikini éytti.
li: «bu uchrishish؛ dunyaning tinchliqi we muqimliqini dawamlashturush üchün, xitay, firansiye we yawropaning körsetken ortaq tirishchanliqidin ijabiy signallarni béridu» dédi.
pirézidént makron tünügün (5-aprél) paytext béyjingda xitay mensepdishi shi bilen ötküzgen uchrishishdimu, ukrainada tinchliqni emelge ashurush üchün ortaq yol berpa qilishni xalaydighanliqini éytqan idi.
makron üch künlük resmiy ziyaret üchün tünügün béyjinggha yétip barghan idi.
