amérikada yüz bergen boran – chapqun apitide 18 adem öldi
amérika qoshma ishtatlirining ottura we jenubiy ishtatlirigha tesir körsetken boran - chapqun apitide hazirghiche 18 adem qaza qildi, nurghun adem yarilandi.
türkiye awazi radiyosi xewiri: amérika döletlik météorologiye idarisi tünügün kechte arkansas, missisipi, lowa, ténnéssé, illinois we wiskonsin qatarliq 8 ishtatta yéqinqi 24 saet ichide 57 din artuq boran - chapqun apiti yüz bergenlikini uqturdi.
boran - chapqun apiti sewebidin ténnéssé ishtatida 7 , arkansas ishtatida 5, indiana ishtatida 3, illinois, mississippi we alabama ishtatliridin birdin bolup, jemiy 18 adem hayatidin ayrildi.
arkansas waliysi sarah hukkabé sandérs boran - chapqun agahlandurushliri sewebidin rayonda jiddiy halet élan qildi.
yene bir tereptin, illinois ishtatida boran-chapqun seweblik texminen 260 adem bar üsti yépiq konsért zalining ögzisining örülüp chüshüshi netijiside bir adem qaza qildi, on nechche adem yarilandi.
ot öchürüsh idarisi dairilirining bildürüshiche, éghir yarilanghan 5 kishini öz ichige alghan 28 kishi doxturxanigha orunlashturulghan.
