гиретсийә дөләт мудапиә министири түркийәдә зийарәттә болиду
гиретсийә дөләт мудапиә министири николас панагиотопоулос дөләт мудапиә министири хулуси ақарниң тәклипигә бинаән түркийәдә зийарәттә болиду.
1967621
түркийә авази радийоси хәвири: түркийә җумһурийити дөләт мудапиә министирлиқи мәнбәлириниң билдүрүшичә, гиретсийә дөләт мудапиә министири николас панагиотопоулос дөләт мудапиә министири хулуси ақарниң тәклипигә бинаән 4 – апрел сәйшәнбә күни хатайда зийарәттә болидикән.
ақар билән панагиотопоулос 6 – феврал күни қаһраманмарашни мәркәз қилған түркийәниң 11 вилайитидә йүз бәргән йәр тәврәш апитидә еғир талапәткә учриған хатайни зийарәт қилғандин кейин айрим көрүшидикән.
икки министир 9 – март күни телефонда көрүшүп, икки дөләт оттурисидики инақ қошнидарчилиқ мунасивәтлиригә даир күнтәртипни тәрәққий қилдуруш мәсилисидә бирдәклик һасил қилғаниди.
