arkansasta tiktok we méta üstidin sotqa erz sunuldi

türkiye awazi radiyosi xewiri: arkansas taratquliridiki xewerlerde körsitilishiche, arkansas ishtatining waliysi sara xakabé sandérs (Sarah Huckabee Sanders ) we bash teptish tim grifin (Tim Griffin) axbarat élan qilish yighinida, mezkur ijtimaiy taratqu supiliri üstidin bir-birige oxshimaydighan üch erz sunulghan.

waliy sandérs: «chong téxnologiye shirketlirini perzentlirimizde xumar peyda qilidighan munberlerni ishlitishke mejburlashtin we ularni muwapiq bolmighan mezmun dunyasigha duchar qilishtin jawabkarliqqa tartishimiz kérek. bu shirketler balilardin payda üchün paydiliniwatidu, hökümitimiz buninggha qetiy yol qoymaydu» dédi.

bash teptish grifin bu erz-shikayetlerning taratqulardiki mezmunlar bilen emes, belki shirketlerning abontlarni «aldighanliqi» gha munasiwetlik ikenlikini bildürdi.

u métaning qestenlik bilen ösmürler xumar bolup qalidighan algorizmlardin paydilanghanliqini eskertip: «méta payda élishni we chongiyishni közligenliki üchün, ammigha bu xil algorizmni uqturushning ornigha, qesten yoshuridu» dédi.

u yene, tiktok we métaning arkansas ishtatining soda qanunlirigha xilapliq qilish bilen eyiblengenlikini bildürdi.

bir erzning, tiktokning qoramigha yetmigen balilarni jinsiy munasiwet,  zeherlik chékimlik ​​yaki ispirttin zeherlinishni teswirleydighan namuwapiq mezmunlardin qoghdash üchün erz qilinghanliqi eskertildi.

méta üstidin qilinghan erzde, bu shirketning feysbuk arqiliq balilarning supida ötküzgen waqtini eng zor derijide ashurmaqchi boluwatqanliqi otturigha qoyuldi.