amérika xitayni «tereqqiy qiliwatqan dölet» katégoriyesidin chiqiriwétish mesilisini awazgha qoydi
amérika awam palatasi xelqara teshkilatlarning xitayni «tereqqiy qiliwatqan dölet» katégoriyesidin chiqiriwétilishni mezmun qilghan qanun layihesini maqullidi.
türkiye awazi radiyosi xewiri: amérika awam palatasi palata ezaliri xitayning «tereqqiy qiliwatqan dölet» katégoriyesidiki ornigha xatime bérishni mezmun qilghan qanun layihesige bélet tashlidi؛ palatadiki her ikki partiyening qollishigha érishken layihe birdek qobul qilindi.
«xitay tereqqiy qiliwatqan dölet emes» namliq qanun layihesi, amérika tashqi ishlar ministiridin xitayni «tereqqiy qiliwatqan dölet» dep qarashning aldini élish tedbirlirini yolgha qoyushni telep qilidu.
qanun layihesi xitay «tereqqiy qiliwatqan dölet» salahiyiti bilen behriman bolidighan étibar bérish siyasetliri we yardemlerni tosushni hemde uni «tereqqiy qiliwatqan» dölettin «yuqiri ottura kirimliq» yaki «tereqqiy tapqan dölet» katégoriyesige yötkeshni nishan qilidu.
«tereqqiy qiliwatqan döletler» xelqaraliq organlarning bezi righbetlendürüsh we étibar bérish siyasetliridin behriman bolalaydu؛ mesilen, dunya soda teshkilati bu döletlerning soda pursitini ashurush üchün alahide küch serp qilidu.
amérika palata ezaliri xitayning dunya iqtisadidiki ornigha qarap, uning bu hoquqlardin behriman bolushigha qarshi turmaqta.
مۇناسىۋەتلىك خەۋەرلەر
israiliye liwangha hawa hujumi qozghidi
israiliye armiyesi liwanning jenubigha keng kölemlik hawa hujumi qozghidi.
