rusiye yéngi istratégiyelik qorallarni azaytish shertnamisi toghrisida bayanat berdi
sérgéy lawrow amérikaning ni meqset qilghan «yéngi istratégiyelik qorallarni azaytish shertnamisi»ge dair pozitsiyesini özgertishi kéreklikini bildürdi.
türkiye awazi radiyosi xewiri: rusiye tashqi ishlar ministiri sérgéy lawrow amérikaning <qiteler ara yadro ballistik bashqurulidighan bomba iqtidarini tizginlesh>ni meqset qilghan «yéngi istratégiyelik qorallarni azaytish shertnamisi»ge dair pozitsiyesini özgertishi kéreklikini bildürüp, «amérikiliqlar bilen yéngi istratégiyelik qorallarni azaytish shertnamisi toghrisida ornitilghan héchqandaq alaqe yoq» dédi.
lawrow rusiyening «tass» xewer agéntliqining ziyaritini qobul qilghanda, rusiye bilen amérika otturisidiki yéngi istratégiyelik qorallarni azaytish shertnamisi mesilisi üstide toxtilip, dölitining bu kélishimni tonglitip qoyghanliqigha isharet qilghan halda: «yéngi istratégiyelik qorallarni azaytish shertnamisi toghrisida amérikaliqlar bilen ornitilghan héchqandaq alaqe yoq. ular bizge ultimatom yollash arqiliq qararimizgha naraziliq bildürüp, bizning bu qararni chiqirish hoquqimizning yoqluqini otturigha qoymaqta. bularning hemmisi qanuniy jehettin ehmiyetsiz qarashlar» dédi.
lawrow amérikaning bu kélishimning pirinsiplirigha buzghunchiliq qilghanliqini tekitlep, mezkur pirinsiplarning rusiye bilen amérikaning istratégiyelik muqimliqni qoghdash tirishchanliqi arqa körünüshide özara ishinish, hörmetlesh we hemkarliqni asas qilidighanliqini éytti we sözini dawamlashturup: «bu mesile toghrisida amérika bilen bolghan alaqini saqlap qélish üchün, ular heriketlirini özgertishi we yéngi istratégiyelik qorallarni azaytish shertnamiside körsitilgen döletler ara munasiwetni qanat yaydurushqa alaqidar heq - telep pirinsipigha emel qilishi kérek» dégenlerni qeyt qildi.
rusiye parlaméntining töwen qaniti — dölet dumasi 22- féwral yéngi istratégiyelik qorallarni azaytish shertnamisini waqtinche toxtitishni mezmun qilghan qanun layihesini maqullighanidi.
