firansiye xolodomor pajiesini «irqiy qirghinchiliq» dep étirap qildi

türkiye awazi radiyosi xewiri: firansiye parlaménti sowét tüzümi 1932-, 1933 – yilliri ukraina tupraqlirida milyonlarche kishini ach qoyup, ölümning girdabigha ittirgen xolodomor pajiesini «irqiy qirghinchiliq» dep étirap qilishni mezmun qilghan teklipni qobul qildi.

firansiye parlaménti eyni dewrdiki sowét sotsiyalistik jumhuriyetler ittipaqi rehbiri jozéf istalinning yer islahatini déhqanlargha mejburi qobul qildurush qedemliri keltürüp chiqarghan «xolodomor» namliq acharchiliqni «irqiy qirghinchiliq» dep étirap qilishni mezmun qilghan teklipni muzakire qildi.

hakimiyet béshidiki güllinish partiyesi parlamént ezasi anni génétét bashqa nurghun parlamént ezaliri bilen birlikte otturigha qoyghan teklip, 2 ge qarshi  168 awaz bilen qobul qilindi. shuning bilen, firansiye parlaménti xolodomorni «irqiy qirghinchiliq» dep étirap qilghan boldi.

ukraina tilida, xolodomor «süniy acharchiliq peyda qilip ölümge höküm qilish» dégen menini bildüridighan bolup, xolodomor pajieside texminen 4 milyon 500 ming kishining hayatidin ayrilghanliqi qeyt qilinmaqta.

ukraina parlaménti bu weqeni 2006- yili «irqiy qirghinchiliq» dep étirap qilghanidi.