америкада бир мәктәптә қораллиқ һуҗум қилиш вәқәси йүз бәрди

түркийә авази радийоси хәвири: американиң теннесси иштатидики бир черкав мәктипигә қилинған қораллиқ һуҗумда үч кичик балини қошқанда, җәмий алтә киши қаза қилди. сақчилар һуҗум қилғучини етип өлтүрди.

метро нашвилле сақчи тармақлири һуҗумчидин икки узун нолуқ қорал вә бир тапанча қолға чүшүрүлгәнлики, һуҗумчиниң шу мәктәпни пүткүзгән 28 йашлиқ айал, авдрей елизабет һале икәнлики һәққидә учур һәмбәһирлиди.  

һуҗумдин кейин, америка пирезиденти җо байдин палатани қорал-йарағқа мунасивәтлик техиму қаттиқ бәлгилимиләрни чиқиридиған қанун тәклиплирини тәстиқлашқа чақириқ қилди.

байдин йәнә, ақсарай, һәрбий гарнизон вә деңиз армийәси парахотлириниму өз ичигә алған барлиқ дөләт органлирида байрақларни 31-март чүшкичә йерим чүшүрүшкә буйруди.

бу буйруққа асасән, американиң чәт әлләрдики барлиқ әлчиханилири, консулханилири, һәрбий базилар вә деңиз армийә понкитлири қатарлиқ чәт әлләрдики мәркәзлиридиму 31 - мартқичә байрақлар йерим чүшүрүлидиған болди.