kolombiyede bir yerlik xelq rehbiri süyiqest bilen öltürüldi
kolombiyede bir yerlik xelq rehbiri qoralliq hujumgha uchrap qaza qildi.
türkiye awazi radiyosi xewiri: kolombiye metbuatlirining xewer qilishiche, boyaja memuriy rayonigha qarashliq zuliya yézisida asomipaz xelqining rehbiri gonzalo dé jésus parra foréro qoralliq hujumgha uchrap qaza qilghan. hujumgha qarita tekshürüsh bashlanghan.
bu ariliqta, kolombiye parlaménti erz - shikayet ishxanisi bilen kolombiye tereqqiyat we tinchliq tetqiqati instituti (Indepaz) yerlik xelq rehbirige qilinghan hujumni eyibligenlikini élan qildi.
kolombiye tereqqiyat we tinchliq tetqiqati instituti (Indepaz) bu yil kirgendin buyan dölet miqyasida jemiy 33 xelq rehbirining qestlep öltürülgenlikini, 2016 - yili noyabirda kolombiye inqilabi qoralliq küchliri (FARC) bilen dölet otturisida tüzülgen tinchliq kélishimidin buyan öltürülgenler sanining 1442 ge örligenlikini bildürdi.
