amérikada quyun apiti sewebidin jiddiy halet élan qilindi
amérikaning missisipi ishtati we uning etrapidiki rayonlarda zor weyranchiliqlarni peyda qilip, 26 kishi qaza qilghan quyun apiti sewebidin jiddiy halet élan qilindi.
türkiye awazi radiyosi xewiri: amérika prézidénti jo baydin weyran qilghuch tesiri yuqiri bolghan 10 din artuq quyunning missisipi ishtati we etrapida 26 kishining jénigha zamin bolghanliqini, shuning bilen rayonda fédératsiye jiddiy halet élan qilghanliqini jakarlidi.
döletlik hawa rayi idarisi rolling fork rayonigha éghir tesir körsetken quyunning 5 tin 4 balliqi we saetlik süritining 300 kilomitirdin éship ketkenlikige dair uchurlarni hembehirlidi.
amérika fédératsiye jiddiy haletlerni bir terep qilish orgini (FEMA) ning mesulliri twittérda rayondiki kishilerge qilghan yardemlirini ortaqlashti.
missisipi ishtatining jumhuriyetchi waliysi taté réwés puqralarni bixeterlik toghrisida agahlandurdi.
döletlik hawa rayi idarisi 23 - mart kechte, apettin ilgiri ishtatning rolling fork rayonigha qarap ilgirlewatqan quyun apiti heqqide agahlandurush élan qilghan idi.
agahlandurushta, «hayatinglarni qoghdash üchün derhal yoshurununglar» déyilgen idi.
مۇناسىۋەتلىك خەۋەرلەر
misir tashqi ishlar ministiri türkiyede ziyarette bolidu
misir tashqi ishlar ministiri samih shükri hepte axirida türkiyede dölet ishliri ziyaritide bolidu.
