gérmaniyediki 24 saetlik ish tashlash endishe yaratmaqta
gérmaniyede eng chong ikki qatnash uyushmisining ish tashlash qarari sewebidin bügün (27-mart) ammiwi qatnashning toxtap qélishi mölcherlenmekte.
türkiye awazi radiyosi xewiri: bügün yérim kéchidin étibaren gérmaniyede bashlanghan we 24 saet dawamlishidighanliqi uqturulghan ish tashlash paaliyitining ayrodorom, port, tömür yol, aptobus we métrolargha éghir tesir körsitidighanliqi mölcherlenmekte.
ishchilar uyushmiliri ezaliri memliket miqyasida turmush tennerxining örlishige taqabil turush üchün téximu yuqiri ish heqqi telep qilmaqta.
bashqa ammiwi mulazimet tarmaqlirida nurghun kichik ish tashlashlar bolghan bolsimu, emma bügünki ish tashlashning nechche on yildin buyanqi eng chong ish tashlash bolidighanliqi kütülmekte.
ish tashlashqa qatnashqan «Verdi» we «EVG» oyushmiliri gérmaniyediki eng chong uyushmilar qatarida sanilidu.
«Verdi» uyushmisi, ammiwi qatnash we ayrodurumlarni öz ichige alghan ammiwi sahelerde texminen 2 milyon 500 ming xizmetchige wekillik qilidu.
«EVG» uyushmisi bolsa, gérmaniye döletlik tömür yol «Deutsche Bahn» shirkiti we bashqa ammiwi aptobus shirketliride texminen 230 ming xizmetchige wekillik qilidu.
مۇناسىۋەتلىك خەۋەرلەر
yamayka pelestinni resmiy dölet süpitide étirap qilidighan boldi
yamayka pelestinni resmiy dölet süpitide étirap qilidighanliqini élan qildi.