rusiye bélarusiye zéminigha yadro qorallirini orunlashturidighan boldi
rusiye pirézidénti wladimir putin rusiye bilen bélarusiyening yadro qoral toghrisida kélishkenlikini élan qildi.
türkiye awazi radiyosi xewiri: putin rusiyening bélarusiye zéminigha taktikiliq yadro qorallirini orunlashturidighanliqini bayan qilip, rusiyening «yadro qorallirining kéngiyishini cheklesh shertnamisi» gha xilapliq qilmighan halda, bélarusiye zéminigha yadro qorallirini orunlashturidighanliqini bildürdi.
putin amérikaning yawropadiki yadro qoralllirini ima qilip: «biz qorallarni bélarusiyege ötküzüp bermeymiz, orunlashturimiz. xuddiy amérikaning yawropagha orunlashturghinigha oxshash» dédi.
putin rusiyening bélarusiyege taktikiliq yadro qorali toshush iqtidarigha ige 10 ayropilan ewetkenliki toghrisidiki uchurlarni hembehirlidi.
rusiye rehbiri yene, bélarusiyede yadro qorallar orunlashturulidighan muessiseler qurulushining rusiye teripidin 1 - iyulghiche tamamlinidighanliqini sözige ilawe qildi.
putin bultur shimaliy éqim 1 - we 2 - tebiiy gaz turuba liniyeside yüz bergen partlashlar üstide toxtilip, pulitzér mukapatigha érishken amérikaliq zhurnalist seymor hérshning «shimaliy éqim liniyesidiki partlashlar amérika istixbarati teripidin teshkillendi» dégen yekünge kelgenlikini bildürüp, «menmu buninggha tamamen qoshulimen » dédi.
مۇناسىۋەتلىك خەۋەرلەر
israiliye liwangha hawa hujumi qozghidi
israiliye armiyesi liwanning jenubigha keng kölemlik hawa hujumi qozghidi.
