yéngi zélandiye tashqi ishlar ministiri xitayda ziyarette boldi

türkiye awazi radiyosi xewiri: xitay tashqi ishlar ministirliqi bayanat élan qilip, maxuta bilen chin gangning uchrishish ötküzüp, ikki tereplik munasiwet we rayon mesililirini muzakire qilghanliqini uqturdi.

söhbet esnasida, chin gang ötken yili xitay - yéngi zélandiye diplomatik munasiwet ornatqanliqining 50 yilliqining tebriklengenlikini tilgha élip, bu jeryanda, ikki dölet munasiwitining muqim tereqqiy qilip, oxshimighan medeniyet, ijtimaiy tüzüm we tereqqiyat sewiyesige ige döletler otturisidiki munasiwetke ülge bolghanliqini ilgiri sürdi.

xitay bilen yéngi zélandiyening birlikte tirishchanliq körsitip, uniwérsal istratégiyelik hemkarliqni ilgiri sürüshi kéreklikini tekitligen chin gang, yéngilanghan ikki tereplik erkin soda kélishimi we rayon xaraktérlik köp tereplik uniwérsal iqtisadiy hemkarliq kélishimidin yoshurun küchini ashurush yolida paydilinishni ümid qilidighanliqini bildürdi.

yéngi zélandiye tashqi ishlar ministiri ministiri maxota dölitining «bir xitay» pirinsipigha sadiq ikenlikini, yéngi zélandiyening xitay bilen bolghan yuqiri qatlamliq alaqini we ikki dölet xelqi otturisidiki munasiwetni kücheytip, oxshimighan sahediki hemkarliqni tereqqiy qildurushni xalaydighanliqini éytti.

maxuta asiya we tinch okyan rayonining tinchliqi we muqimliqini qoghdashning zörürlükini tekitlidi.