йеңи зеландийә ташқи ишлар министири хитайда зийарәттә болди

түркийә авази радийоси хәвири: хитай ташқи ишлар министирлиқи байанат елан қилип, махута билән чин гаңниң учришиш өткүзүп, икки тәрәплик мунасивәт вә район мәсилилирини музакирә қилғанлиқини уқтурди.

сөһбәт әснасида, чин гаң өткән йили хитай - йеңи зеландийә дипломатик мунасивәт орнатқанлиқиниң 50 йиллиқиниң тәбрикләнгәнликини тилға елип, бу җәрйанда, икки дөләт мунасивитиниң муқим тәрәққий қилип, охшимиған мәдәнийәт, иҗтимаий түзүм вә тәрәққийат сәвийәсигә игә дөләтләр оттурисидики мунасивәткә үлгә болғанлиқини илгири сүрди.

хитай билән йеңи зеландийәниң бирликтә тиришчанлиқ көрситип, универсал истратегийәлик һәмкарлиқни илгири сүрүши керәкликини тәкитлигән чин гаң, йеңиланған икки тәрәплик әркин сода келишими вә район характерлик көп тәрәплик универсал иқтисадий һәмкарлиқ келишимидин йошурун күчини ашуруш йолида пайдилинишни үмид қилидиғанлиқини билдүрди.

йеңи зеландийә ташқи ишлар министири министири махота дөлитиниң «бир хитай» пиринсипиға садиқ икәнликини, йеңи зеландийәниң хитай билән болған йуқири қатламлиқ алақини вә икки дөләт хәлқи оттурисидики мунасивәтни күчәйтип, охшимиған саһәдики һәмкарлиқни тәрәққий қилдурушни халайдиғанлиқини ейтти.

махута асийа вә тинч окйан райониниң тинчлиқи вә муқимлиқини қоғдашниң зөрүрлүкини тәкитлиди.