америка сүрийәдики һәрбий базисиға һуҗум қилған террорчиларға зәрбә бәрди

түркийә авази радийоси хәвири: америка армийәси мәркизи қоманданлиқ иштаби байанатчиси абигайил хаммок рудав телевизийә қанилиға байанат берип, һуҗумда йариланған алтә әскәрниң саламәтлик әһвалиниң муқим икәнликини, икки әскәрниң хизмәт орниға қайтип кәлгәнликини ейтти.

йариланған бир әскәр билән тохтамлиқ бир хадимниң ирақниң пайтәхти бағдадта, қалған икки әскәрниң әрбилдә давалиниватқанлиқини билдүргән һаммок, бағдадта давалиниватқанларниң саламәтлик әһвалини көзитиш үчүн, пат йеқинда америкиға әвәтилидиғанлиқини ейтти.

у мәзкур һуҗумниң иран қоллаватқан гуруппилар тәрипидин қилинғанлиқини әскәртти.

йәнә бир тәрәптин, америка уруш айропиланлири сүрийәниң шәрқидики дәйрәззор вилайити билән униңға қарашлиқ әлбукәмал вә мәйадин наһийәлиридики иран қоллаватқан чәт әл террорлуқ гуруппилириниң һәрбий орунлириға һавадин һуҗум қилди.

америка қошма иштатлири пирезиденти җо байдин вашингтонниң иран билән тоқунушниң койида әмәсликини, әмма американиң һәр қандақ әһвалда хәлқини қоғдайдиғанлиқини тәкитлиди.