amérika bilen yawropa ittipaqi birleshme herbiy manéwir ötküzdi

türkiye awazi radiyosi xewiri: amérika tashqi ishlar ministirliqi bayanat élan qilip: «2023 - yili 23 - we 24 – mart künliri yawropa ittipaqi bilen amérika, 2022 - yili 2 – dékabirdiki yawropa-amérika yuqiri derijilik meslihet yighinida pütüshkini boyiche birleshme déngiz manéwiri ötküzdi» dégenlerni qeyt qildi.

bayanatta, manéwrgha amérika urush paraxoti USS paul xamilton, ispaniyening réyna sofiye namliq urush paraxoti we italiyening karlo bérgamini urush paraxotining qatnashturulghanliqi eskertilgen bolsimu, manéwirning qeyerde ötküzülgenlikige dair uchurlargha orun bérilmidi.

bayanatta, manéwirning hindi-tinch okyanni qollashni meqset qilghan yawropa ittipaqi bilen amérika qoshma ishtatlirining déngiz-okyan hemkarliqi toghrisidiki ortaq wedisining bir qismi ikenliki tekitlendi.

manéwirning asasliq meqsitining tinch okyan rayonidiki chong küch riqabiti dairiside xitaygha taqabil turush ikenliki ilgiri sürülmekte.