ئامېرىكا بىلەن ياۋروپا ئىتتىپاقى بىرلەشمە ھەربىي مانېۋىر ئۆتكۈزدى

تۈركىيە ئاۋازى رادىيوسى خەۋىرى: ئامېرىكا تاشقى ئىشلار مىنىستىرلىقى بايانات ئېلان قىلىپ: «2023 - يىلى 23 - ۋە 24 – مارت كۈنلىرى ياۋروپا ئىتتىپاقى بىلەن ئامېرىكا، 2022 - يىلى 2 – دېكابىردىكى ياۋروپا-ئامېرىكا يۇقىرى دەرىجىلىك مەسلىھەت يىغىنىدا پۈتۈشكىنى بويىچە بىرلەشمە دېڭىز مانېۋىرى ئۆتكۈزدى» دېگەنلەرنى قەيت قىلدى.

باياناتتا، مانېۋرغا ئامېرىكا ئۇرۇش پاراخوتى USS پائۇل خامىلتون، ئىسپانىيەنىڭ رېينا سوفىيە ناملىق ئۇرۇش پاراخوتى ۋە ئىتالىيەنىڭ كارلو بېرگامىنى ئۇرۇش پاراخوتىنىڭ قاتناشتۇرۇلغانلىقى ئەسكەرتىلگەن بولسىمۇ، مانېۋىرنىڭ قەيەردە ئۆتكۈزۈلگەنلىكىگە دائىر ئۇچۇرلارغا ئورۇن بېرىلمىدى.

باياناتتا، مانېۋىرنىڭ ھىندى-تىنچ ئوكياننى قوللاشنى مەقسەت قىلغان ياۋروپا ئىتتىپاقى بىلەن ئامېرىكا قوشما ئىشتاتلىرىنىڭ دېڭىز-ئوكيان ھەمكارلىقى توغرىسىدىكى ئورتاق ۋەدىسىنىڭ بىر قىسمى ئىكەنلىكى تەكىتلەندى.

مانېۋىرنىڭ ئاساسلىق مەقسىتىنىڭ تىنچ ئوكيان رايونىدىكى چوڭ كۈچ رىقابىتى دائىرىسىدە خىتايغا تاقابىل تۇرۇش ئىكەنلىكى ئىلگىرى سۈرۈلمەكتە.