baydin: rusiye - xitay yéqinlishishi köptürüldi

türkiye awazi radiyosi xewiri: amérika pirézidénti jo baydin xitay bilen rusiyening yéqinlishishining yéqindin buyan «bekla mubalighileshtürülgen»likini ilgiri sürüp, emeliyette gherb ittipaqining bir – birige téximu yéqinlishiwatqanliqini otturigha qoydi.

kanadada dölet ishliri ziyaritide boluwatqan amérika pirézidénti baydin kanadaning ottawa shehiride kanada bash ministiri jastin trudo bilen qoshma muxbirlarni kütüwélish yighini ötküzdi.

pirézidént baydin rusiyening ukrainagha qiliwatqan hujumini toxtitish üchün moskwagha ishlitiliwatqan bésim we  ukrainagha qiliniwatqan yardemning dawam qilidighanliqini bildürdi.

yéqinqi 10 yilda xitay bilen rusiye otturisida 40 qétim yighin ötküzülgenlikini bildürgen baydin, yene bir tereptin, gherb ittipaqining téximu yéqinlashqanliqini tekitligendin kéyin, sözini dawamlashturup: «men xitay bilen rusiyeni töwen mölcherlimeymen. emma, méningche biz bek köptürüwettuq. yéqinqi üch aydin buyan xitayning rusiyeni muhim qorallar bilen teminliyeleydighanliqi otturigha qoyuluwatidu. ular téxi buni qilip baqmidi. bu ularning hergiz undaq qilmaydighanliqini körsetmeydu, emma téxi undaq qilmidi. shundaq bolghan teqdirdimu, bu ish gherbni téximu körünerlik derijide birleshtürdi» dégenlerni qeyt qildi.