ئىراننىڭ غەربىي ئەزەربەيجان ئۆلكىسىدە يەر تەۋرەپ 82 ئادەم يارىلاندى
ئىراننىڭ غەربىي ئەزەربەيجان ئۆلكىسىنىڭ خوي شەھىرىدە يەر تەۋرەپ 82 ئادەم يارىلاندى.
1964612
تۈركىيە ئاۋازى رادىيوسى خەۋىرى: غەربىي ئەزەربەيجان ۋالىيلىق مەھكىمىسى كىرىزىس باشقۇرۇش ئىشلىرى باش دېرىكتورى ئەمىر ئابباس جەئفەرى بايانات بېرىپ، خوي شەھىرىنى مەركەز قىلغان 5.6 بال يەر تەۋرەشتە خوي ۋە سەلماس شەھەرلىرىدىكى بىر قانچە بىنانىڭ تالاپەتكە ئۇچرىغانلىقىنى، خوي ۋە سەلماس شەھەرلىردە 82 ئادەمنىڭ يارىلانغانلىقىنى بىلدۈردى.
بۈگۈن ئەتىگەندە يۈز بەرگەن مەزكۇر يەر تەۋرەش تۈركىيەنىڭ ھاككارى، ۋان قاتارلىق شەھەرلىرىدىمۇ ھېس قىلىندى.
خوي شەھىرى تۈركىيە چېگراسىغا يېقىن بولۇپ، 28 - يانۋار 5.8 بال يەر تەۋرەپ، ئۈچ كىشى قازا قىلغان، 1167 كىشى يارىلانغانىدى.
