gutérrés: kilimat özgirishi dunyani yashighili bolmaydighan ehwalgha chüshürüp qoymaqta
birleshken döletler teshkilati bash katipi antonyo gutérrés kilimat özgirishining dunyani yashighili bolmaydighan ehwalgha chüshürüp qoyuwatqanliqini éytti.
türkiye awazi radiyosi xewiri: b d t bash katipi gutérrés dunya métérologiye küni munasiwiti bilen yazma bayanat élan qildi.
bash katip gutérrés bayanatida, yer sharining issip kétishini 1.5 sélsiye giradustin töwen halette saqlap qalalmasliqning bu dunyani « kilimat apiti» girdabigha ittirgenlikini eskertti, hemde hemme kishining kelgüsi ewladlar üchün öz mesuliyitini ada qilishi kéreklikini qeyt qildi.
u énérgiye we qatnash sistémilirining özgirishi kéreklikini, tashqatma yéqilghu ishlitishke bolghan béqinishni azaytish arqiliq qayta hasil bolidighan énérgiyeni xizmetke kirishtürüshning zörürlükini tekitlidi.
gutérrés karbon qoyup bérishni azaytish üchün tereqqiy qiliwatqan döletlerni maddiy we téxnologiye jehettin qollash kéreklikini éytti.
u 2023-yilining «waqtni ching tutup, xizmet ishleshke tégishlik özgirish yili» bolushi kéreklikini tekitlep mundaq dédi: « kilimat özgirishi dunyani yashighili bolmaydighan ehwalgha chüshürüp qoymaqta. emdi biz tebietke qarshi bihude urushlirimizni axirlashturushimiz kérek.»
