лондонниң даңлиқ кочиси рамизан мунасивити билән тунҗи қетим йорутулди

түркийә авази радийоси хәвири: лондон шәһириниң  муһим сайаһәт районлиридин бири болған ковентри кочиси «рамизан ейиңларға мубарәк болсун!» дегән хәт йезилған 30 миң лампучка билән йорутулди.

рамизан ейи мунасивити билән ковентри кочисини 30 миң лампучка билән йорутуш хизмити лондон шәһәр башлиқи садиқ хан қатнашқан мурасим билән башланди.

игилинишичә, ковентри кочисини 30 миң лампучка билән йорутуш хизмитини «әнглийәниң рамизан  чирағлири» җәмийити өз үстигә алған болуп,  буниңдин мәқсәт лондонлуқларниң рамизан ейиға болған тонушни өстүрүш икән.

бу җәмийәт мәзкур хизмити үчүн һечқандақ һәқ алмайдикән.

ковентри кочисини 30 миң лампучка билән йорутуш лондонлуқлардин башқа, чәт әллик сайаһәтчиләрниңму зор қизиқишини қозғиған.

ковентри кочисини 30 миң лампучка билән йорутуш хизмити бүгүндин башлап 23 – апрелғичә шу җай вақти һәр күни чүштин кейин саәт 5 дин кечә саәт 1 гичә давамлишидикән.