jenubiy koréye we amérikaning birleshme herbiy manéwirida rast oq -dora ishlitildi
jenubiy koréye we amérikaning shimaliy koréye chégrasigha yéqin rayonda ötküzgen herbiy manéwirida rast oq- dora ishlitildi.
türkiye awazi radiyosi xewiri: yonxap agéntliqining xewerige asaslanghanda, jenubiy koréye shimaliy koréye chégrasidiki herbiysizleshtürülgen rayon (DMZ) ning 30 kilomitir jenubigha jaylashqan pochéon shehiri etrapidiki maniwérda rast oq-dora ishletken. 100 zembirek, köp sanda broniwik we 800 esker herbiy manéwirgha qatnashqan.
jenubiy koréye bilen amérika otturisida ötküzülgen birleshme herbiy manéwirda, ikki dölet eskerlirining özara maslishishi we birleshme ot küchi merkezlik meshiq paaliyetliri élip bérilghan.
jenubiy koréye armiye mesulliri bu manéwirning shimaliy koréye dawamlashturuwatqan tehditlerge jawaben ittipaqdashlarning ghayet zor ot küchini namayan qilish üchün ötküzülgenlikini bildürdi.
jenubiy koréye bilen amérika otturisida 14-martta bashlanghan «erkinlik qalqini» manéwiridin kéyin, shimaliy koréye bashqurulidighan bomba siniqini kücheytken we 20-martta yadro bombisigha qarshi manéwir ötküzidighanliqini jakarlighan idi.
pyongyang hökümiti ay béshidin buyan alte qétim we yil béshidin buyan 20 qétimdin artuq bashqurulidighan bomba siniqi qildi.