israiliyening süriyege hawadin hujum qilghanliqi ilgiri sürüldi

türkiye awazi radiyosi xewiri: esed hakimiyitining xewer agéntliqi — sananing herbiy menbelerni asas qilghan xewirige qarighanda, israiliye armiyesi heleb wilayiti merkizining sherqiy qismigha jaylashqan ayrodurumigha shu yer waqti 03:55 de hawadin hujum qilghan؛ hujumda ayrodurumning bezi jayliri talapetke uchrighan.

beshshar esed hakimiyiti 7-mart israiliyening hawa hujumigha uchrighan heleb ayrodurumning xizmettin toxtighanliqini élan qilghanidi.

helebte beshshar esed hakimiyiti eskerliri bilen iranning himayisidiki chet el térrorchi unsurliri we hizbullah (allah partiyesi) ning herbiy orunliri barliqi melum.

israiliye dairiliri hazirghiche mezkur hujumgha héchqandaq resmiy izahat bermidi.

israiliye süriyede ichki urush bashlanghan 2011- yilidin buyan pat – patla iran himayisidiki térrorchilar bilen hakimiyet eskerlirining süriyediki herbiy nuqtilirigha hujum qilip kelmekte.