morawiki: shi jinpingning moskwa ziyariti kishini endishige salidu

türkiye awazi radiyosi xewiri: polsha bash ministiri morawiki yaponiye bash weziri kishida fumiyo bilen polshada körüshkendin kéyin bayanat bérip, dunyada yéngi bir géopolitikiliq tertipning barliqqa kelgenlikini éytti.

u yaponiyening, asiya, polsha we yawropaning bixeterlikidiki ehmiyitini tilgha élip, kishidaning kiyéwni ziyaret qilghanliqigha rehmet éytti.

morawiki kishidaning kiyéw ziyaritining erkinlik we démokratiyeni qollashning simwoli ikenlikini tekitlep, her ikki döletning jahangirlikning xetirini yaxshi bilidighanliqini tekitlidi.

morawiki yaponiye bilen polshaning tinchliq, muqimliq we erkinlik mesiliside oxshash köz qarashta ikenlikini tilgha élip, ikki döletning téximu qoyuq hemkarlishishi kéreklikini otturigha qoydi.

morawichki xitay dölet reisi shi jinpingning moskwa ziyaritining kishini endishige salidighanliqini tilgha élip: «biz xitayni rusiyening tajawuzchi xelqara siyasitini qollimasliqqa qayil qilishqa tirishiwatimiz» dégenlerni qeyt qildi.