ukraina qirimning shimalida rusiyening charlighuchi bombilirining yoqitilghanliqini ilgiri sürdi

türkiye awazi radiyosi xewiri: ukraina istixbarat (dölet bixeterlik) idarisi — GUR yazma bayanat élan qilip, qirimning shimalidiki janköy shehiride partlash yüz bergenliki bildürdi.

«partlashta tömür yoldin bashqa, rusiyening yötkiliwatqan <kalibr> namliq charlighuchi bashqurulidighan bombiliri weyran qilindi» dégen ibarilerge orun bérilgen bayanatta, bu bashqurulidighan bombilarning rusiyening qara déngiz filotining paraxotliridin qoyup bérish meqsitide yötkiliwatqanliqi ilgiri sürüldi.

bayanatta, mezkur bashqurulidighan bombilarning quruqluqtiki yétip bérip weyran qilish menzilining 2500 kilométirdin, déngizdiki menzilining 375 kilométirdin ashidighanliqigha isharet qilinghan bayanatta: «bu sirliq partlash rusiyeni qoralsizlandurush musapisini dawamlashturup, ukrainani qirim yérim arilini ishghaldin azad qilishqa teyyarlimaqta» dégen ibarilerge orun bérildi.

rusiye qanunsiz halda igiliwalghan qirim yérim arilining janköy shehiri uchquchisiz hawa apparati hujumigha uchrighanidi.

rusiye xewer agéntliqi — tass, tünügün qirimning janköy shehirige hujum qilghan uchquchisiz hawa apparatlirining rusiye hawa mudapie sistémisi teripidin étip chüshürüwétilgenlikini xewer qilghanidi.

uchquchisiz hawa apparati qalduqliri bir ahaliler rayonigha chüshüp, bir kishining yarilinishini keltürüp chiqarghan, bir öy bilen bir talla bazirigha ziyan yetküzgenidi.

hujumdin kéyin janköyde jiddiy halet élan qilinip, weqe üstide tekshürüsh bashlanghanidi.

2014-yili 3-ayning 17-küni rusiye pirézidénti wiladimir putinning rusiyening qirimni yutuwélishi toghrisida qararname maqullishidin kéyin, qirim qanunsiz halda igiliwélinghanidi.