ئامېرىكا ھىندىستان كونسۇلخانىسىغا قىلىنغان ھۇجۇمنى ئەيىبلىدى

تۈركىيە ئاۋازى رادىيوسى خەۋىرى: ئاقساراي دۆلەت بىخەتەرلىك مەسلىھەتچىسى جېيك سۇللىۋان تىۋىتتېردىكى ئاردېسىدا بايانات ئېلان قىلىپ: «سان فىرانسىسكو شەھىرىدىكى ھىندىستان كونسۇلخانىسىغا قارىتىلغان زوراۋانلىق ھەرىكەتلىرىنى ئەيىبلەيمىز. بىز بۇ مۇلازىمەت بىنالىرى ۋە ئۇ يەردە ئىشلەۋاتقان دىپلوماتلارنىڭ ئامانلىقى شۇنداقلا بىخەتەرلىكىگە يېقىندىن كۆڭۈل بۆلىمىز. ئامېرىكا تاشقى ئىشلار مىنىستىرلىقى بۇ جەھەتتە تاشلىنىدىغان قەدەملەر توغرىسىدا يەرلىك ساقچى ئىدارىسى بىلەن ئالاقىلىشىشنى داۋاملاشتۇرماقتا» دېدى.

سان فىرانسىسكو ساقچى دائىرىلىرى شەھەردىكى ھىندىستان كونسۇلخانىسىغا قىلىنغان يەكشەنبە كۈنىدىكى ھۇجۇم نەتىجىسىدە، بىنانىڭ بىر قىسىم دېرىزىلىرىنىڭ چېقىلىپ كەتكەنلىكىنى، بىر قىسىم خىزمەتچىلەرنىڭ يارىلانغانلىقىنى بىلدۈرگەنىدى. ۋەقەگە چېتىشلىق گۇماندارلارنىڭ قېچىپ كەتكەنلىكىگە ئىشارەت قىلىنغان باياناتتا، ھۇجۇمچىلارنىڭ سىخ نامايىشچىلىرى ئىكەنلىكى ئىلگىرى سۈرۈلگەنىدى.

ئاقساراي دۆلەت بىخەتەرلىك كېڭىشىنىڭ ئىستراتېگىيەلىك ئالاقە ماسلاشتۇرغۇچىسى جون كىربى مۇخبىرلارنى كۈتۈۋېلىش يىغىنىدا سۆز قىلىپ، دىپلوماتىك ئورۇنلارغا ھۇجۇم قىلىشنى قوبۇل قىلىشنىڭ مۇمكىن ئەمەسلىكىنى، ۋاشىنگتوننىڭ بۇ قىلمىشنى ئەيىبلەيدىغانلىقىنى بىلدۈرگەنىدى.