shimaliy koréyede yüz minglarche kishi herbiy sepke kirish üchün tizimgha aldurdi
koréye yérim arilida jiddiychilik dawamlashmaqta.
türkiye awazi radiyosi xewiri: shimaliy koréye döletlik téléwiziye istansisi 1 milyon 400 ming kishining amérika qoshma ishtatlirigha qarshi urush qilish meqsitide herbiy sepke kirish üchün tizimgha aldurghanliqini xewer qildi.
xewerde déyilishiche, shimaliy koréye rehbiri kim jongun aldinqi hepte axirida, amérika we jenubiy koréyege qarshi yadro hujumi qilish sénariyelik herbiy manéwirgha qatnashqan.
igilinishiche, amérika qoshma ishtatliri bilen jenubiy koréye armiyeliri teripidin rayonda yéqinqi yillardin buyanqi eng keng kölemlik herbiy manéwir ötküzülmekte iken.
shimaliy koréye jenubiy koréyening paytexti séoldin 65 kilométir yiraqliqta ötküzülüwatqan bu herbiy manéwirgha naraziliq bildürgen we bu manéwirni «tajawuzchiliq nishan qilinghan manéwir» dep atighan.
