b d t türkiyege alahide rehmet éytti

birleshken döletler teshkilati bayanatchisi stéfan dujarik türkiyening qara déngiz ashliq karidori kélishimining uzartilishini diplomatik we emeliy heriket jehettin qollap quwwetligenlikige rehmet éytti.

1961771
b d t türkiyege alahide rehmet éytti

türkiye awazi radiyosi xewiri: dujarik qara déngiz ashliq karidori kélishimining uzartilishi toghrisida élan qilghan yazma bayanatida, «2022 - yili22 - iyulda istanbulda imzalanghan «qara déngiz ashliq teshebbusi» kélishimining mudditi uzartildi. bu teshebbus ukrainaning belgilengen portliridin ashliq we munasiwetlik yémekliklerni shundaqla oghutlarni bixeter toshushqa kapaletlik qilishni meqset qilidu» dédi.

dujarik kélishimning aldinqi ikki mezgilde 25 milyon tonna ashliq we yémeklik mehsulatlirini 45 döletke toshush arqiliq dunyada yémeklik bahasining töwenlitilishige we bazarni muqimlashturushqa yardemchi bolghanliqini tilgha élip: «türkiye hökümitining qara déngiz ashliq teshebbusi kélishimini diplomatik we emeliy heriket jehettin qollap quwwetligenlikige alahide rehmet éytimiz» dédi.

dujarik rusiyening yémeklik we oghut mehsulatlirining dunya bazirigha tonutilishi we tarqitilishigha munasiwetlik kélishimning öz nöwitide yene yer shari yémeklik bixeterliki, bolupmu tereqqiy qiliwatqan döletler üchün intayin muhimliqini tekitlidi.

dujarik bayanatida yene: «biz her ikki kélishimge qetiy sadiq bolushni dawamlashturimiz hemde her qaysi tereplerni uni toluq emeliyleshtürüsh üchün tirishishqa chaqirimiz» dégen sözlerge orun ajratti.

ashliq karidori kélishimi 2022 - yili 22 -  iyulda istanbulda türkiye, ukraina, rusiye we b d t otturisida imzalanghan bolup,  2022 - yili 19-  noyabirda 120 kün uzartilghan kélishimning mudditi tünügün toshqan idi.


خەتكۈچ: #türkiye , #b d t

مۇناسىۋەتلىك خەۋەرلەر