b d t bash katipi shimaliy koréyening ballistik bashqurulidighan bomba sinaq qilishini eyiblidi

türkiye awazi radiyosi xewiri: b d t bash katipliq ishxanisi yazma bayanat élan qilip, «bash katip shimaliy koréyening yene bir qiteler ara ballistik bashqurulidighan bomba qoyup bergenlikini qattiq eyibleydu» dédi.

bayanatta, shimaliy koréye muqimliqqa ziyan yetküzidighan heriketlirini derhal toxtitip, b d t xewpsizlik kéngishi qararlirida körsitilgen barliq xelqaraliq mejburiyetlirini toluq ada qilishqa chaqirildi.

shimaliy koréye jenubiy koréyening yaponiye bilen yéqinlishishi we amérika bilen birleshme herbiy manéwir ötküzüshidin kéyin, «düshmenni wehimige sélish» meqsitide peyshenbe küni etigende qiteler ara ballistik bashqurulidighan bomba qoyup bergenlikini élan qilghanidi.

shimaliy koréye merkizi axbarat agéntliqi, shimaliy koréye qoyup bergen bashqurulidighan bombining 6045 kilomitir égizlikke örligenlikini we döletning sherqiy déngiz qirghiqigha chüshüp kétishtin ilgiri 1000 kilomitir musapisini bésip ötkenlikini xewer qilghanidi.