б д т: украиналиқ балиларни чеградин қоғлап чиқириш уруш җинайити һесаблиниду

түркийә авази радийоси хәвири: бирләшкән дөләтләр тәшкилати украинадики уруш җинайәтлирини тәкшүрүш комитети нәччә йүз украиналиқ балиниң русийәгә қанунсиз һалда йөткәлгәнликигә даир дәлил-испатларниң барлиқини ейтти.

игилинишичә, мәзкур комитетниң доклати русийәниң украинада башқа уруш җинайәтлирини садир қилғанлиқиға даир дәлил - испатларниму өз ичигә алидикән.

буниңдин башқа йәнә, бу доклат русийәниң украинада башқа уруш җинайәтлирини садир қилғанлиқиға даир мәлуматларниму өз ичигә алидикән.

булар арсида дохтурханиларға қилинған һуҗумлар, тән җазалири, басқунчилиқ вә қәстләп өлтүрүш җинайәтлиригә алақидар мәлуматларму бар икән.

украина һөкүмитиниң санлиқ мәлуматлириға қариғанда, зорлуқ билән русийәгә елип кетилгән балиларниң сани 16 миң 221 гә йетидикән.

бирләшкән дөләтләр тәшкилати украинадики уруш хинайәтлирини тәкшүрүш комитетиниң доклатида әскәртилишичә, русийә «бәзи балиларниң русийәдә мәңгүлүк йашишиға муһит йаритиш» үчүн, украиналиқ балиларни русийә пуқралиқиға өткүзүш вә башқиларниң бу балиларни беқивелишиға капаләтлик қилиш қатарлиқ сийасәтләрни йолға қойушқа башлиған.

бирләшкән дөләтләр тәшкилати тәптиш әмәлдарлириниң билдүрүшичә, украиналик балиларни йөткәш паалийити вақтлиқ болуши керәк икән. украиналиқ ата-анилар һәм балилар алақә қилишта бир қатар тосалғуларға дуч кәлмәктә икән.

бирләшкән дөләтләр тәшкилати украинадики уруш җинайәтлирини тәкшүрүш комитетиниң доклатида тәкитлинишичә, украиналиқ балиларни зорлуқ билән чеградин қоғлап чиқириш «хәлқара инсанпәрвәрлик қанунини дәпсәндә қилғанлиқ болидикән, һәмдә  уруш җинайити һесаблинидикән.»