imranxan üstidin tutush buyruqi chiqirildi

türkiye awazi radiyosi xewiri: pakistanning sabiq bash ministiri imranxan üstidin tutush buyruqi chiqirildi. u ikki déloning sotigha qatnashmighan idi.

pakistan taratquliridiki xewerlerde bildürülishiche, islamabad rayonluq sot mehkimisi imranxan üstidin bash ministir bolghan mezgilde, chet el dölet rehberliridin alghan hediyelerni sétish, ötken yili (2022) bir ayal sotchigha tehdit sélish qatarliq eyibleshler bilen sot achqan. her ikki qétimliq sotta, sotlashqa qatnashmighan imranxan üstidin ayrim-ayrim tutush qarari bérilgen.

sot mehkimisining qararidin kéyin, islamabad saqchi idarisining saqchiliri imranxanni qolgha élish üchün tik uchar bilen lahorgha barghan.

emma, sabiq bash ministir imranxanning 30-aprél (2023) penjap ishtatida ötküzülidighan saylam üchün bügün (13-mart) ötküzülidighan yighilish munasiwiti bilen lahordiki öyidin ayrilghanliqi qeyt qilindi.

28-féwral (2023) mu imranxan üstidin chet dölet rehberliridin alghan hediyelerni sétish bilen eyiblinip échilghan sotta, tutush qarari chiqqan idi. saqchilar 5-mart imranxanni qolgha élish üchün barghanda, uning öyide yoq ikenliki élan qilinghan idi.

pakistan parlaméntida 2022-yili 10-aprél tashlanghan ishench awazida, 174 awazning ret qilishi bilen imranxan hökümiti tarqalghan idi.

ilgiri üch nöwet bash ministirliq wezipisini ötigen nawaz sherifning inisi shahbaz sherif 11-aprél (2022) parlaménttiki awaz bérishte 174 awazgha ériship, bash ministir bolghan idi.