amérikada méksikagha barmasliq toghrisida agahlandurush chiqirildi
amérikaning téksas ishtati mesulliri amérika puqralirini bixeterlik endisheliri sewebidin bahar pesillik dem élish waqtida méksikagha barmasliq toghrisida agahlandurdi.
türkiye awazi radiyosi xewiri: téksas jamaet xewpsizlik idarisi méksikagha barghanlar üchün zeherlik chékimlik etkeschilikige chétishliq zorawanliq weqelirining xeterlik ikenlikini bildürdi.
téksas jamaet xewpsizlik idarisining bashliqi stéwén m k krow (Steven McCraw) méksikadiki zeherlik chékimlikke munasiwetlik zorawanliq weqeliri üstide toxtilip: «kishilerni bu mezgilde méksikagha sayahetke barmasliqqa chaqirimiz» dédi.
bu agahlandurush, ötken hepte töt amérikaliq méksika chégrasidin ötüp uzun ötmeyla görüge tutup kétilgendin kéyin élan qilindi. tutup kétilgen amérikaliqlardin ikkisi öltürülgen bolup, ikkisi qoyup bérilgen idi.
bir bazarda kiyim-kéchek sétish üchün méksikagha barghan üch neper amérikaliq ayalningmu ikki heptidin artuq waqittin buyan iz-dérikining yoqluqi bilinmekte.
