amérika iran tashqi ishlar ministirining yalghan sözligenlikini élan qildi
amérika iran tashqi ishlar ministiri hüseyin emir abdullahyanning «amérika bilen mehbuslarni almashturush toghrisida kélishim hasil qilduq» dégen sözining toghra emeslikini bildürdi.
türkiye awazi radiyosi xewiri: amérika tashqi ishlar ministirliqi bayanatchisi néd pirays abdullahyanning «biz yéqinda kélishim hasil qilduq, amérika terepte hemme ishlar ongushluq bolghan teqdirde, pat yéqinda mehbuslarning almashturulishigha shahit bolimiz, dep qaraymen» dégen sözlirining yalghanliqini élan qildi.
néd pirays abdullahyanning mezkur sözliri üstide toxtilip: «rehimsizlerche yene bir yalghanchiliq, bundaq yalghanchiliq aililerning azabini ashuridu. iranda naheq türmige tashlanghan üch amérika puqrasining qoyup bérilishi üchün zor tirishchanliqlarni körsitiwatimiz. bu kishilerni ailisi bilen jem qilghangha qeder toxtimaymiz» dédi.
abdullahyan iran dölet téléwiziyesige bergen bayanatida: «ötken yili (2022) mart éyidin buyan amérika bilen wasitiliq muzakiriler arqiliq bir höjjet imzaliduq we testiqlandi. hazir uni ijra qilishning asasi teyyarlandi. biz tereptin hemme ish teyyar. amérika terep téxnikiliq maslashturushni tamamlash basquchida» dégen idi.
amérikada bezi iran puqraliri émbargolargha xilapliq qilish jinayiti bilen qolgha élinghan bolup, irandimu kem dégende üch amérika puqrasi jasusluq jinayiti bilen tutup turulmaqta.
