iranda kolliktip zeherlinish weqelirige chétishliq 100 din artuq kishi nazaretke élindi
iranda köpinchisi qizlar mektepliride yüz bergen we namayishlargha seweb bolghan kolliktip zeherlinish weqelirige chétishliq 100 din artuq kishi éniqlinip nazaretke élindi.
türkiye awazi radiyosi xewiri: iran ichki ishlar ministirliqining yazma bayanatida, téhran, qum, zinjan, xuzistan, hamadan, fars, gilan, gherbiy ezerbeyjan, sherqiy ezerbeyjan, kurdistan we rezewi xorasan ölkiliridiki mekteplerde yüz bergen kolliktip zeherlinish weqelirige chétishliq 100 din artuq gumandarning nazaretke élinghanliqi bildürüldi.
bayanatta, qolgha élinghanlardin bezilirining düshmenlik muddiasi bar kishiler ikenliki, ularning kishiler we oqughuchilar arisida qorqunch we endishe peyda qilishqa urunghanliqi, térorluq teshkilatliri bilen munasiwiti bar-yoqluqini éniqlash üchün tekshürüshning dawamlishiwatqanliqi uqturuldi.
bayanatta yene, aldinqi heptidin buyan zeherlinish weqelirining körünerlik derijide azayghanliqimu bildürüldi.
iranda 2022 - yili 30 - noyabirdin buyan asasen dégüdek qizlar mektepliride kolliktip zeherlinish weqeliri yüz bérip kelmekte. oqughuchilarda nepes élishta qiyinlishish, köngli élishish, bash aghrish we put-qol maghdursizlinish qatarliq alametler körülmekte.
hazirghiche 238 mektepte 5000 din artuq oqughuchining zeherlengenliki bildürüldi.
مۇناسىۋەتلىك خەۋەرلەر
israiliye liwangha hawa hujumi qozghidi
israiliye armiyesi liwanning jenubigha keng kölemlik hawa hujumi qozghidi.