иранда колликтип зәһәрлиниш вәқәлиригә четишлиқ 100 дин артуқ киши назарәткә елинди

 түркийә авази радийоси хәвири: иран ички ишлар министирлиқиниң йазма байанатида, теһран, қум, зинҗан, хузистан, һамадан, фарс, гилан, ғәрбий әзәрбәйҗан, шәрқий әзәрбәйҗан, курдистан вә рәзәви хорасан өлкилиридики мәктәпләрдә йүз бәргән колликтип зәһәрлиниш вәқәлиригә четишлиқ 100 дин артуқ гумандарниң назарәткә елинғанлиқи билдүрүлди.

байанатта, қолға елинғанлардин бәзилириниң дүшмәнлик муддиаси бар кишиләр икәнлики, уларниң кишиләр вә оқуғучилар арисида қорқунч вә әндишә пәйда қилишқа урунғанлиқи, терорлуқ тәшкилатлири билән мунасивити бар-йоқлуқини ениқлаш үчүн тәкшүрүшниң давамлишиватқанлиқи  уқтурулди.

байанатта йәнә, алдинқи һәптидин буйан зәһәрлиниш вәқәлириниң көрүнәрлик дәриҗидә азайғанлиқиму билдүрүлди.

 иранда 2022 - йили 30 - нойабирдин буйан асасән дегүдәк қизлар мәктәплиридә колликтип зәһәрлиниш вәқәлири йүз берип кәлмәктә. оқуғучиларда нәпәс елишта қийинлишиш, көңли елишиш, баш ағриш вә пут-қол мағдурсизлиниш қатарлиқ аламәтләр көрүлмәктә.

һазирғичә 238 мәктәптә 5000 дин артуқ оқуғучиниң зәһәрләнгәнлики билдүрүлди.