türkiyediki yer tewresh apitige uchrighuchilar üchün xelqaraliq yardemler dawamlashmaqta
qahramanmarashning pazarchik bilen elibistan nahiyesini merkez qilghan 7.7 bal we 7.6 bal yer tewresh 11 wilayetke tesir körsetkendin kéyinki xelqaraliq yardemler dawamlashmaqta.
türkiye awazi radiyosi xewiri: ereb birleshme xelipiliki yer tewresh sewebidin türkiye we süriyege 215 ayropilan bilen yardem boyumliri yetküzdi. ereb birleshme xelipiliki dölet mudapie ministirliqining twittér hésabidiki bayanatida, ereb birleshme xelipiliki emiri sheyx muhemmed bin zeyid el nehyanning 7 – féwraldiki permanigha binaen türkiye we süriyediki yer tewresh apitige uchrighanlargha yardem bérish üchün bashlitilghan «yigit suwari 2» namliq seperwerlik herikiti heqqide melumat bérildi.
heriket dairiside, 215 ayropilan bilen türkiye we süriyige 5 ming 975 tonna insanperwerlik yardimi yetküzülgenliki bildürüldi.
yene bir tereptin, pakistan hökümitining 50 ming chédir toshush üchün «alahide uchush herikiti» dairiside, 1200 chédir qachilanghan tunji ayropilanning lahordin adana ayrodromigha yétip kelgenliki bildürüldi. insanperwerlik yardem boyumliri ayropilandin chüshürülüp yer tewreshning tesirige uchrighan rayonlargha yetküzüldi.
bu ariliqta, 13 ming 600 qishliq chédir élip mangghan 3 paraxotningmu pakistandin türkiyege qarap yolgha chiqqanliqi we mushu ayda mersingha yétip kélidighanliqi uqturuldi.