pérudiki hökümetke qarshi namayishlarda 10 esker yarilandi

péruda hökümetke qarshi namayishchilar bilen bixeterlik qisimliri otturisida yüz bergen toqunushta, 10 eskerni qoshqanda jemiy 26 kishi yarilandi.

1955362
pérudiki hökümetke qarshi namayishlarda  10 esker yarilandi

türkiye awazi radiyosi xewiri: péruning pono rayonida yolgha tosuq ornitip chaq köydürgen namayishchilar bilen bixeterlik qisimliri otturisda toqunush yüz berdi.

weqede, 10 esker we 16 namayishchi yarilandi, nurghun kishiler qolgha élindi.

saqchilar namayishchilargha yash aqquzush bombisi étip we  yuqiri bésimliq su chéchip tarqitiwetmekchi boldi. namayishchilar saqchilargha molotof bombawe tash étip qarshiliq körsetti.

paytext limadimu ishchilar uyushmilirining wekilliri, oqughuchilar we yerlik xelqler bilen saqchilar otturisida sürkilish yüz berdi.

juli shehiride saqchilar bilen toqunushqan namayishchilar, bir saqchixanigha ot qoyup berdi.

péru metbuatlirining xewirige asaslanghanda, 2022-yili 11- dékabirdin buyanqi namayishta qaza qilghanlarning sani 64 ke we yarilanghanlarning sani 1800 ge yetken.

namayishchilar pirézidént dina boluarténing istépa bérishini, parlaméntning taqilishini we derhal mudettin burun saylam ötküzülüshini telep qilmaqta.

pérudiki namayishlar sabiq pirézidént pédro kastilloning 2022-yili 7- dékabirda parlamént teripidin wezipisidin élip tashlinishi bilen bashlanghan idi.



مۇناسىۋەتلىك خەۋەرلەر