dunya sehiye teshkilati xelqara jemiyetni yemenge yardem bérishke chaqirdi

türkiye awazi radiyosi xewiri: dunya sehiye teshkilatining yemen wekili edhem abdulmumin bu heqte élan qilghan yazma bayanatida, mundaq dédi: «yemenning sehiye sistémisining pütünley weyran bolushining aldini élish üchün, xelqaraliq iane qilghuchilar we bashqa shériklerni yemenge derhal we küchlük yardem bérishke chaqirimiz.»

abdulmumin yemen sehiye sistémisining 12 milyon 900 ming ademning muhim éhtiyajlirini qamdashni dawamlashturalishi üchün 39 milyon dollarliq yéngi mebleghke éhtiyajliq ikenliklirini qeyt qildi.

u dunya sehiye teshkilati rehberlikide yemenning sehiye sistémisini meblegh bilen teminlesh toghruluq wede bérilgen bolushigha qarimay, hazirghiche bu mebleghning peqet  %3.5 ningla toplinalighanliqini eskertti.

abdulmumin bu meblegh yighilmighan teqdirde, yemenning sehiye sistémisining weyran bolushining aldini alalmaydighanliqlirini eskertip mundaq dédi: «shu wejidin, iane qilghuchilarni yemen xelqining asasliq sehiye xizmetlirini qollashni dawamlashturushqachaqirimiz.»