wuxen wirusi xitay tejribixanisidin tarqalghanmu?

türkiye awazi radiyosi xewiri: amérika dölet xewpsizlik meslihetchisi jéyk sulliwan s n n (CNN) téléwiziyesining ziyaritini qobul qilghanda, «wol strét zhurnili» gézitide xewer qilinghan énérgiye ministirliqining «wuxen wirusi tejribixanidin tarqalghan bolushi mumkin» dégen xulase chiqirilghan doklati heqqidiki soalgha jawab berdi.

u istixbarat organlirida bu toghrida oxshimighan qarashlarning barliqini, biraq buni jezmleshtüridighan yéterlik uchurlarning yoqluqini eskertti.

u pirézidént jo baydinning istixbarat organlirigha bu soalning tégige yétish üchün bir qanche qétim yolyoruq bergenlikini bildürüp: «téximu köp uchurgha ige bolsaq, buni kongre we amérika xelqi bilen ortaqlishimiz, emma hazirghiche istixbarat organliridin bu soalgha munasiwetlik <éniq jawab> kelmidi» dédi.

«wol strét zhurnili» géziti énérgiye ministirliqi teripidin yéqinqi künlerde aqsaraygha we kongre ezalirigha yetküzgen mexpiy istixbarat doklatigha asaslinip, wuxen wirusining xitaydiki bir tejribixanidin éhtiyatsizliqtin tarqilip ketken bolush éhtimalining chong ikenlikini xewer qilghan idi.

wirus sewebidin peyda bolghan yuqumluq waba 2020-2022-yillirida dunyada yüz minglarche kishining ölümige seweb bolghan idi.