yawropa ittipaqi döletliri rusiyege qoshumche émbargo yürgüzüsh qarar layihesini testiqlidi

türkiye awazi radiyosi xewiri: yawropa ittipaqining nöwetchi reisi shiwétsiye ijtimaiy taratqudiki adrésida bayanat élan qilip, yawropa ittipaqigha eza döleterning rusiye-ukraina urushining bir yilliq xatire künide 10- qétimliq moskwagha jaza yürgüzüsh qararini testiqlighanliqini uqturdi.

yéngi jaza yürgüzüsh pilanining özekler we téxnika mehsulatlirigha qaritilghan éksport cheklimisini téximu kücheytishni mezmun qilidighanliqigha isharet qilinghan bayanatta, jazaning urushqa hemdem bolidighan, teshwiqatini qilidighan yaki rusiyeni urushta ishlitilidighan uchquchisiz hawa apparatliri bilen teminleydighan shexs we organlargha cheklesh tedbirlirini yürgüzüsh qatarliqlarnimu öz ichige alidighanliqi bildürüldi.

yawropa ittipaqining — waqitning qanchilik uzirap kétishidin qetiynezer — ukrainani qollashni dawamlashturidighanliqi tekitlengen bayanatta, bu qétimqi jazalarning tepsilatlirigha dair uchurlargha  orun bérilmidi.

yawropa ittipaqi komitéti ötken hepte teyyarlighan jaza yürgüzüsh pilani, rusiye iqtisadini halqiliq téxnika we sanaet mehsulatliridin mehrum qilish üchün, 11 milyard yawrodin artuq mehsulatqa éksport cheklimisi qoyushni öz ichige alidu.

yéngi soda cheklimisi puqrawi we herbiy ishlar üchün ishlitilidighan mehsulat we téxnikilarning éksport qilinishini kontrol qilish bilen rusiyeni uchquchisiz hawa apparatliri, bashqurulidighan bomba we tik uchar ayropilanlar bilen teminligüchilerge qoshumche cheklimilerni qoyushni mezmun qilidu.