yawropa ittipaqi: musheqqetlik künlerde türkiyening yénidimiz
yawropa ittipaqi tashqi munasiwetler we bixeterlik siyasiti aliy wekili jozéf borél yawropa ittipaqining musheqqetlik künlerde türkiyening yénida ikenlikini bildürdi.
türkiye awazi radiyosi xewiri: yawropa ittipaqi tashqi munasiwetler we bixeterlik siyasiti aliy wekili jozéf borél yawropa ittipaqining türkiyening hatayda yüz bergen yer tewresh apetlirige munasiwetlik ehwalini yéqindin közitiwatqanliqini we bu musheqqetlik künlerde türkiyening yénida ikenlikini bildürdi.
borél ammiwi ortaqlishish tor béti Twitter sehipiside, tünügün (20-féwral) hatayning defne we samantagh nahiyeliride yüz bergen 6.4 we 5.8 bal yer tewresh apetliri heqqide élan qilghan bayanatida, mundaq dédi:
«türkiyede hatay wilayitide tekrar meydangha kelgen yer tewresh apetliride talapetke uchrighan aililerning dert – elemliri we weyranchiliqlirini téximu köpeytiwetken ehwalni yéqindin közetmektimiz, bu musheqqetlik künlerde türkiyening yénidimiz.»
