zéléniski: rusiye adettin tashqiri derijide ziyan tartiwatidu

ukraina pirézidénti wolodimir zéléniski rusiye armiyesining donbas rayonida adettin tashqiri derijide ziyan tartiwatqanliqini éytti.

1948558
zéléniski: rusiye adettin tashqiri derijide ziyan tartiwatidu

türkiye awazi radiyosi xewiri: bir tereptin, 2022 – yili 24 – féwral küni bashlanghan rusiye – ukraina urushi dawamlashmaqta, yene bir tereptin, ukrainaning donbas rayonida shiddetlik toqunushlar dawam qilmaqta.

ukraina pirézidénti wolodimir zéléniski bu heqte élan qilghan bayanatida, rusiye armiyesining donbas rayonida adettin tashqiri derijide ziyan tartiwatqanliqini bildürüp mundaq dédi: «weziyet intayin murekkep, biz tajawuzchilargha qarshi küresh qiliwatimiz. biz tajawuzchilarni meghlub qiliwatimiz we rusiye armiyesige adettin tashqiri derijide talapet yetküzüwatimiz.»

zélénski ukrainaning donbas rayonida bir qanche aydin buyan nurghun yézilarda qattiq toqunushlarning yüz bériwatqanliqini eskertip mundaq dédi: «rusiye baxmut, wuxlédar, marinka, kréminna, donbas rayonlirida  qanche köp ziyan tartsa, biz bu urushni shunche téz axirlashturalaymiz.»


خەتكۈچ: #ziyan , #zélénski , #rusiye , #ukraina

مۇناسىۋەتلىك خەۋەرلەر