ئامېرىكا ئاپەتكە ئۇچرىغانلارغا قىلىنىۋاتقان ياردەملەرنىڭ داۋاملىشىدىغانلىقىقنى بىلدۈردى

تۈركىيە ئاۋازى رادىيوسى خەۋىرى: ئامېرىكا تاشقى ئىشلار مىنىستىرلىقى 6-فېۋرال (2023) تۈركىيەدە يەر تەۋرەش ئاپىتىنىڭ تەسىرىگە ئۇچرىغانلارغا قىلىنىۋاتقان ياردەملەرنىڭ داۋاملىشىدىغانلىقى توغرىسىدا بايانات ئېلان قىلدى.

باياناتتا: «ئامېرىكا بىلەن تۈركىيە شىمالىي ئاتلانتىك ئەھدى تەشكىلاتىغا ئەزا ۋە ئۇزۇن مۇددەتلىك شېرىك دۆلەتلەر ھېسابلىنىدۇ. بىز كىرىزىس مەزگىلىدە، رايون خەۋپسىزلىكى ۋە پاراۋانلىق مەسىلىسىدە بىرلىكتە خىزمەت قىلىشنىڭ ئىپتىخارلىق ئۆتمۈشىگە ئىگە. 6-فېۋرالدا يۈز بەرگەن 7.7 ۋە 7.6 بال يەر تەۋەرشلەرنىڭ تەسىرىگە ئۇچرىغانلارغا قىلىنىۋاتقان ياردەملەر داۋاملىشىدۇ» دېيىلدى.

باياناتتا، ئامېرىكا-تۈركىيە مۇناسىۋەتلىرىنىڭ «چوڭقۇر دوستلۇق» قا تايىنىدىغانلىقى، ئىككى دۆلەتنىڭ ئوسمان ئىمپېرىيەسى مەزگىلىدە 1831-يىلىغا تايانغان دىپلوماتىك تارىخى، جۇمھۇرىيەت قۇرۇلغاندىن كېيىن «1947-يىكى 12-ئىيۇل ئىمزالانغان ئىقتىسادىي ۋە تېخنىكا ھەمكارلىق كېلىشىمى» بىلەن ئۆزئارا مۇناسىۋەتلەرنىڭ تېخىمۇ تەرەققىي قىلغانلىقى قەيت قىلىندى.

باياناتتا، 1952-يىلدىن تارتىپ ناتو ئەزاسى بولغان تۈركىيەنىڭ، ئافغانىستان، ئىراق ۋە بالقان رايونىنى ئۆز ئىچىگە ئالغان دۇنيانىڭ ھەر قايسى جايلىرىدىكى ھەرىكەتلەرنى قوللىغانلىقى ئەسكەرتىلدى.

باياناتتا، ئىككى دۆلەت ئوتتۇرىسىدا بىر مەزگىل ئىجرا قىلىنغان ئامېرىكا-تۈركىيە ئىستراتېگىيەلىك مېخانىزمىغا ئورۇن ئاجرىتىلدى.

بۇ ھەقتە مۇنداق دېيىلدى:

«18-يانۋار (2023) ئامېرىكا تاشقى ئىشلار مىنىستىرى ئانتونى بلىنكېن ۋە تۈركىيە تاشقى ئىشلار مىنىستىرى مەۋلۈت چاۋۇشئوغلۇ تۆتىنچى قېتىم كۆرۈشتى. ئىككى رەھبەر تۈركىيە ھاۋا ئارمىيەسىنى زامانىۋىلاشتۇرۇش ۋە ئامېرىكا-تۈركىيە مۇداپىئە ھەمكارلىقىنى كۈچەيتىش مەسىلىلىرىنى مۇزاكىرە قىلدى.»