димитро кулеба: «украина уруши؛ виладимир путинниң шәхсий тәрсалиқиға айланди»
украина ташқи ишлар министири димитро кулеба украина урушиниң русийә президенти виладимир путинниң «шәхсий тәрсалиқи» ға айланғанлиқини билдүрди.
түркийә авази радийоси хәвири: кулеба германийәдә өткүзүлгән 59-нөвәтлик мйунхен бихәтәрлик кеңиши йиғинида сөзлигән нутуқида, русийәдә бир өзгириш болғандила андин украинаға тинчлиқ келидиғанлиқини, әмма буниң узун бир йол икәнликини ейтти.
кулеба украинаниң өзини қоғдашни давамлаштуридиғанлиқини тәкитләп, «украина русийә президенти виладимир путинниң шәхсий тәрсалиқиға айланди» деди.
кулеба әгәр путин президентлиқтин айрилса, буниң өзлири үчүн бир пурсәт мәзгили болуши мумкинлики тилға елип, «путин һакимийәттә түридикән, мәсилилиримиз давамлишиду. һазирчә биз чоқум уруштики күрәшкә әһмийәт беришимиз керәк » деди.
кулеба русийәгә қарши танка, оқ-дора вә уруш айропиланлириға еһтийаҗ барлиқини әскәртип, һазирчә әң йахши бихәтәрлик капалитиниң пул, қорал вә русийәгә қаритилған ембарголарниң давамлишиши икәнликини тәкитлиди.
