столтенберг нато йиғининиң сүкүттә туруш билән ечилғанлиқини ейтти
нато баш катипи столтенберг әтә (2023-йили 16-феврал) түркийәгә келиду вә җумһур рәис рәҗәп таййип әрдоған билән көрүшүп, йәр тәврәш апитигә учриғучиларға тәзийә билдүриду.
1946945
түркийә авази радийоси хәвири: нато баш катипи столтенберг нато дөләт мудапиә министирлири йиғинидин кейин өткүзүлгән мухбирларни күтүвелиш йиғинида, натониң түркийәгә қилидиған йардими вә әтә әмәлгә ашидиған зийарити тоғрисида мәлумат бәрди.
у мәркизи қаһраманмараш болған йәр тәврәшләр сәвәбидин барлиқ иттипақдашларниң түркийәгә чоңқур тәзийәлирини йәткүзүп, йардәм қилғанлиқини әскәртти.
у мундақ деди:
«нато иттипақдашлири, шериклири вә нато йардәмлирини көпәйтти.»
у натониң бир қанчә күн ичидә апәт районлириға контейнер өйләрни әвәтидиғанлиқини әскәртип: «җумһур рәис рәҗәп таййип әрдоған вә ташқи ишлар министири мәвлүт чавушоғлу билән көрүшүп, тәзийәлиримизни йәткүзүш үчүн, әтә түркийәдә болимән» деди.
у түнүгүн (14-феврал) нато дөләт мудапиә министирлири йиғинини сүкүттә туруш билән башлиғанлиқлирини хатирилитип: «түркийәгә йардәм қилған шерикилиримизгә тәшәккүр ейтимән. бүгүн (15-феврал) дөләт мудапиә министирлири йиғинини барлиқ иттипақдашлиримизға түркийәгә техиму көп йардәм қилишни вә истратегийәлик йардәмлирини көпәйтишни чақириқ қилип ахирлаштурдум» деди.
6-феврал (2023) қаһраманмарашта йүз бәргән вә 10 вилайәткә тәсир көрсәткән 7.7, 7.6 бал йәр тәврәшләрдә миңларчә киши җенидин айрилди. бу апәт «бу әсирдики әң чоң балайиапәт» дәп аталди.
مۇناسىۋەتلىك خەۋەرلەر
исраилийә ливанға һава һуҗуми қозғиди
исраилийә армийәси ливанниң җәнубиға кәң көләмлик һава һуҗуми қозғиди.
