süriyediki yer tewreshte qaza qilghanlarning sani 3162 ge yetti
qahramanmarash merkezlik 7.7 we 7.6 bal yer tewreshlerde, süriyening her qaysi rayonlirida qaza qilghanlarning sani 3 ming 162 ge, yarilanghanlarning sani 5 ming 235 ke yetti.
türkiye awazi radiyosi xewiri: süriyede yer tewreshning tesirige uchrighan idlib, heleb, hama, laziqiye we tartus wilayetliride 6-féwraldin (2023) buyan izdesh - qutquzush xizmetliri dawamlashmaqta.
beshshar esed hakimiyitining xewer agéntliqi «SANA» ning xewirige asaslanghanda, heleb, laziqiyye, hama we tartus wilayetliride hakimiyet kontrolluqidiki rayonlarda 1262 kishi hayatidin ayrilghan we 2285 kishi yarilanghan.
süriyening shimalida öktichilerning kontrolluqidiki rayonlarda nurghun binalar weyran bolghan yaki éghir ziyangha uchrighan.
süriye kishilik hoquq tori (SNHR), xelq mudapiesi (aq qalpaqliqlar), yerlik mesullar, sehiye teshkilatliri we yerlik menbelerdin igilengen uchurlargha asaslanghanda, süriyening idlib, firat qalqini we zeytun shéxi herikiti rayonida kem dégende 1900 kishi qaza qilghan, 2950 din artuq kishi yarilanghan.
öktichilerning kontrolluqidiki rayonlarda süriye milliy armiyesimu (SMO) qutquzush xizmetlirige qatnashqan.
