shiwétsiye bu qétim quran kerimning köydürülüshige ruxset qilmidi
daniyening ashqun ong qanat «tar yönilish partiyesi» rehbiri rasmus paludanning qutratquluq qilmishidin kéyin, shiwétsiye hökümiti bu qétim türkiyening stokholmdiki elchixanisi aldida quran kerimni köydürüshke ruxset qilmidi.
1944336
türkiye awazi radiyosi xewiri: stokholm saqchixanisi bayanatchisi ola ostérling bayanat bérip, bir kishining türkiyening stokholmdiki elchixanisi aldida quran kerimni köydürüshi üchün sunghan telipining ret qilinghanliqigha isharet qilip: «telepni ret qilishtin ilgiri, shiwétsiye istixbarat (dölet bixeterlik) idarisi bilen bu heqte söhbetleshtuq we buninggha asasen, mezkur kishining paaliyet élip bérishigha ruxset qilmasliqni qarar qilduq» dédi, emma, u iltimas sunghan kishining salahiyitini ashkarilimidi.
daniyening ashqun ong qanat «tar yönilish partiyesi» rehbiri rasmus paludan 21-yanwar(2023) türkiyening shiwétsiyening paytexti stokholimdiki elchixanisi aldida quran kerimni köydürgen, saqchilar öz himayisi astida sadir qilinghan bu qebih qilmish esnasida bashqilarning paludangha yéqinlishishigha yol qoymighanidi.
shiwétsiye hökümitining paludanning quran kerimni köydürüshige ruxset qilishigha türkiye qatarliq nurghun islam döletliri naraziliq bildürgenidi.
paludan yene, 27-yanwar daniyening kopénhagén shehiridiki türkiye elchixanisi aldida we bir jamening udulida quran kerimni köydürgenidi.
gollandiyediki irqchi, gherbning islamlishishigha qarshi turush herikitining rehbiri édwin wagénswéldmu lahey shehiride quran kerimni yirtqan idi.
مۇناسىۋەتلىك خەۋەرلەر
israiliye liwangha hawa hujumi qozghidi
israiliye armiyesi liwanning jenubigha keng kölemlik hawa hujumi qozghidi.
